வலி இன்றிய பிரிவு

என் கண்கள் பனித்தது கூட
தெரியாமல் தொடர்கிறது
உன் வேகம்
பேச்சுக் கணைகளால்
நீ புண்படுத்திய நெஞ்சம்
இன்னும் ஆறவில்லை
போதும் இத்துடன் விட்டுவிடு
என்னையும் என் கனவுகளையும்
கூண்டுக்குள் அடைபட விருப்பமில்லை
உன் பேச்சுகளிற்கு "ஆமா" போட
இனி மேலும் விருப்பமில்லை
உனக்காக என்னை மாற்றினேன்
என் கொள்கைகளை கூட
நீ மட்டும் மாறவில்லை
நம் உறவிற்காக கூட
சென்று வருகின்றேன்
நீ போட்ட விலங்கையும் தாண்டி
உன் வாசல் மீறி
என் கனவுகளுடன்
சுதந்திரமாக